وقد يتبادر للذهن أن كلية سياحة وفنادق حلوان تقع (على رأى ميرو) فى جامعة حلوان
وهذا خطأ شائع
وكل ما حد يسألنا عن الكلية بتاعتنا ونقولة أنها سياحة وفنادق حلوان
لازم توضحلة أنها تبع جامعة حلوان مش فى جامعة حلوان نفسها
أو تقولة أن دة فرع الجامعة فى جاردن ستى (على رأى فانتوم الزملكاوى)
وطبعا دة بيسبب لينا مشكلة كبيرة جدا
طبعا أنك تكون فى كلية زى كليتنا
دى حاجة كويسة جدا
وخصوصا ان الكلية بتاعتنا جميلة جدا
وموقعها ممتاز جدا جدا جدا
ولكنها فيها عيب واحد
وهو عيب خطير
أنها كلية
مش جامعة
طول عمر الواحد بيحلم أنة لما يخلص من هم الثانوية العامية أنة يدخل كلية كويسة فى جامعة كبيرة زى القاهرة أو عين شمس أو حلوان أسيوط حتى
والحمد لله تحقق لنا أن إحنا ندخل كلية كويسة جدا الحمد لله
لكن ناقصنا الجامعة
الجماعة أنك تلاقى ناس من كل الكليات متجمعين فى مكان واحد
طب على هندسة على حقوق على تجارة على أداب على تربية
هييييييييييييييييييييييصة
ودة طبعا كويس
جدا جدا جدا
تقابل ناس من تجارة تقعد مع بتوع حقوق تحضر مع بتوع ألسن تقف مع بتوع إعلام تخرج مع بتوع سياسة وأقتصاد
تعاكس بتوع الخدمة الأجتماعية
تطلع مظاهرات مع بتوع الاخوان
تعمل وقفات إحتجاجية
تعمل إضرابات
تلاقى كل يوم عربيات الأمن المركزى فى كل حتة
تصاحب بتوع أمن الدولة
وعيش يا معلم
لكن عندنا يا حسرة مفيش غير تلات أقسام
إدارة فنادق وهو القسم بتاع الشلة بتاعتنا
وقسم إرشاد
وقسم سياحة
يعنى من الاخر لو رحت الكلية خمس أيام ورا بعض
أضمنلك أنك ممكن تحفظ أشكال الطلبة
وخمس أيام كمان
ممكن تحقظ أسمائهم
هى ممكن تكون حاجة حلوة بس فى نفس الوقت بردو هى حاجة تخنق
(علشان كدة أنا مبروحش)
نجى بقى لموضوعنا
الشلة بتاعتنا قررت إنها تروح تعمل إختبار فى جامعة حلوان
الجامعة نفسها بقى
دخلنا
وأنبهارنا
عااااااااااااااااااالم تانى
جامعة جامعة بقى
مبانى ملهاش عدد
جناين تجنن
مساحات شاسعة
طلبة بالهبل
و... زى القمر
المهم إحنا شفنا الكلام دة بقينا نتحسر على سنين الكلية إلى ضيعنها فى كلية متر فى متر
بس الحمد لله ملحوقة
تقولولى أزاى أقولكم
كل واحد خد الكاميرا وهاتك يا تصوير وجرى ولعب كورة بالبناطيل الجينز
وعيشنا بقى زى ميكون كان عندنا عقدة
وإن شاء الله نروح تانى قريب
علشان نحس إحساس الجامعة من تانى
والأن أترككم مع الصور
إللى هى بردو حصريا وإكسكلوسف
عيشوووووووووا
(شاهينو)
شاهينو وتوحة
ناصف فانتوم الزملكاوى الوحيد فى الشلة
إلى كلها أهلوية والحمد لله
ربنا يهديك يا فانتوم
من اليمين للشمال لو أنت قاعد قدام الكمبيوتر
ومن اليمين للشمال بردو لو أنت قاعد قدام اللاب توب
(مهى هى يا ظريف)
ناصف فانتوم الزملكاوى _توحة_أيمونة_ديعو_طة إبن شبرا البار
البرنس أيمونة
توحة باشا صاحبى الأنتيخ
زى مإتفقنا من اليمين للشمال ولا أقول تانى
شاهينو_ناصف فانتوم إلى لسة زملكاوى_توحة_أيمونة
ناصف فانتوم الزملكاوى(ربنا يهدية) _ عادل دووولة
التوئم
طة إبن شبرا الباررر_ ديعو إبن شبرا البار
مش قلتلكوا توئم
من اليميييين للشمال (لازم كل مرة اقول)
شاهينو_طه إبن شبرا البار_توحة_أيمونة_عادل دوولة_ديعو
توحة _ديعو
من الشمال لليمين
رخامة بقى
البوست بوستى وأنا حر فية
ديعو_ناصف فانتوم الزملكاوى_طة إبن شبرا البار_عادل دووولة_أيمونة_تووحة
وإلى هنا ينتهى تنتهى الصور وإلى لقاء أخر فى صور جديدة
أقعدوا بالعافية
أمممموااااااااااااة
هناك 5 تعليقات:
وجوووووووون
بوست فى الجون يا شاهينو
بس بجد احلى حاجة انك عرفتنا على الصور..
وياسيدى براحتك من الشمال لليمين ولا من اليمين للشمال البوست بتاعك وعيش براحتك
مبروووووووك اول بوستاتك المستقلة هنا
ومستنية بوست البلاى ستيشن
هلا هلا هلا
شكلك يا ميوش أنتى الوحيدة إلى هتعلقى على البوستات
ههههههههه
أصل كلة بيستسهل ويدخل يعلق فى الشات بوكس صباح الكسل يعنى
ربنا يخليكى يا ميوش واللهى
وصحيح البوست بوستى ويعتبر تانى بوست ليا فلسة الأتجاهات عندى مش متظبطة
وقريبا بوست البلاى ستيشن
لا يامعلم مش انتوا بس اللى هتعلقوا هنا...
توحه حبيبك ومعاك على طول والصور فعلا جميله وبعدين انت لخبطتنى مره تقول كمبيوتر ومره تقول لاب توب انا بفكر اشترى بعد كده لاب توب علشان اعرف اتفرج على الصور كويس وبعدين ياباشا المدونه بتاعك هو انا وناصف نقدر نتكلم بعد البوست اللى انت عملته ده..... بيــــــــــــــس جدا
قريبا انتظر بوست لتوحه على جميع مدونات مصر والساحل الشمالى
ديما بنستنى ان احنا نخلص ابتدائى واعدادى وثانوى عشان نطلع الجامعة ونلاقى ناس ونكون علاقات اجتماعية مع ناس مختلفين ونبقى فرحنين طبعا لما اروح الاقى حامعة زى اللى انتو فيها العن ابو الدراسة كلها واتمنى انى ارجع مدرسة احسن واللة من الجامعات الفكسانة دى
الجامعة اصلا كل شاب بيروحها عشان الموزز غير كدة ولا بنروح صح ولا لا يا معلم وبنفض كمان للدكاترة والمعيدين ورئيس الكلية عشان نروح نتصرمح ونعاكس بنات الكلية اللى هيا اصلا مش رجولة انا يعتبر الكلية لينا مكان للفسحة مش مكان للتعليم وشكرا معلش يا شباب لو كنت طولت عليكم انا عارف انىضايقتكم بكلامى وانا متاكد بس هيا دى الصراحة والسلام عليكو ورحمة اللة وبركاتة
إرسال تعليق