خليك فاكرنى ياللى ببطولاتك وبأنجازاتك أسرنى

فقد الأهلي وفقدت الأمة الأهلوية رجلا من أغلى الرجال من أعز الرجال هو الزعيم

مــانــويــل جــوزيــة

قاقد سفينة النجاح سبنا وراح

قائد سفينة البطولة هيسيبنا ويدرب أنجولا

أحببناة لولائة وأنتمائة للفانلة الحمرا فهو أهلاوى فعلا

أستحق الجنسية المصرية الأهلوية بجدااارة

والأن حانت لحظة الفراق

الفراق الثانى

ولكننا

سنظل لك أوفياء

لأنك

رسمت على وجوهنا البسمة لمدة خمس سنوات

حققت فيهم أنتصارات وأرقام قياسية

وتفوقت على أقرانك من المدربيين

تحولت من مجرد

لاعب كرة إللى صانع تاريخ

وأسطورة

أسطورة حصدت كل البطولات

والميداليات

الوداع صعب ولكنك ستظل فى قلوبنا

لأنك

الملك المتوج على عرش إفريقيا

وفى قلوب الأهلوية

أيها البرتغالى الأهلاوى الجنسية

يا من

أحب الجمهور وعشقة الجمهور

وحفرت أسمك خالدا فى سجل أعظم المدربين

فى تاريخ الاهلى ومصر

و إفريقيا

(شاهينو)

سأفتقدك أيها الساحر

مش لاقى كلام أقدر أقولة

مش لاقى كلام فعلا

مش لاقى كلام خااااااااااااااااااااااااااالص

بس وحياتنا عندك لو كان لينا عندك خاطر

راجع قلبك وعقلك قبل ما يجى اليوم وتسافر

مع السلامه يا اسطورة ....يا افضل مدرب فى العالم.....يا من علمنا الوقوف بجانب الفريق فى اى وقت ...يا من علمنا معنى الانتماء و الفوز و العالمية و الاحتراف و البطولات يا من جعلت حياتنا كلها فرحة و جعلتنا ملوك إفريقيا سنشتاق اليك يا اسطورة
رقمك من الصعب أن يخترق والوداع لن يكون بالسهل على جماهير النادي الأهلى

جوزيه انت عارف جمهور الاهلى كويس جدآ ولكن هتعرفوا اكتر بعد رحيلك ومدى وفاء جمهور الاهلى لكل من يتفانى فى عمله داخل جدران النادى الاهلى ولاشكر على واجب فانت اهلاوى الاصل!!ولن ننسى مواقفك الانسانيه فى مستشفيات مصر ومساعده اى فرد يطلب منك المساعده ومواقفك كثيره ولم يسبق لاى مدرب اجنبى ان فعل مافعلته

مانويل جوزيه (خليك فاكرنا)

يا جوزية إللى بينا وبينك مش عقد تدريب

إللى بينا وبينك قصة حب لا تنتهى ولن تنتهى

لأننا بنحبك لولائك مش لبطولاتك

جوزية أنت حدوتة برتغالية على أرض مصرية

وداعا أسطورة التدريب البرتغالية
You Will Be Always In Our Hearts King Joesh

الألقاب التى حققها الأسطورة مع الأهلى
----------------------------------　
محلياً : (10 بطولات):
الدورى العام : 4 مرات أعوام 2004-2005 ،، 2005-2006 ،، 2006-2007 ،، 2007-2008
كأس مصر : مرتان أعوام 2006 ،، 2007
كأس السوبر المصرى : 4 مرات أعوام 2005 ،، 2006 ،، 2007 ،، 2008افريقياً : ( 8 بطولات )
دورى أبطال افريقيا : 4 مرات أعوام 2001 ،، 2005 ،، 2006 ،، 2008
كأس السوبر الافريقى : 4 مرات أعوام 2002 ،، 2006 ،، 2007 ،، 2009

كما حصل جوزيه مع الأهلي على الميدالية البرونزية فى كأس العالم للأندية 2006

الأهلى فوق الجميع

من تالتة شماال بنهز جبال وبأعلي صوت جايين نشجع الأبطال فـــــــــريــــــــق كبيرفـــــــــريــــــــق عظيم أديله عمرى وبرضة قليل

بيان هام

بسم الله الرحمن الرحيم

بيان هام

شباب السياحة والفنادق الجامدين أوى كلها أيام قليلة ونودع الكلية ومش هنفتكر منها غير الايام الجميلة
الذكريات الحلوة والأصحاب
فية ناس منا هتشوف بعضها كتير بعد الكلية
وفية ناس منا ممكن متشوفش بعض غير فى المناسبات
وناس ممكن تشوف بعض بالصدفة
وممكن ناس منشوفهاش خاالص
فعلشان كدة عملنا المدونة علشان نقدر نعرف أخبار بعض نشوف صور بعض نتقابل مع بعض نتكلم ونفتكر الذكريات الجميلة

المدونة دى البيت الصغير بتاع

الفرقة 19 إجرام

لكن كمان فية بيت كبير ممكن يضمنا كلنا ويخلينا على اتصال بكل أصحابنا وكل الدفعة
البيت دة هو http://www.fth-forum.co.cc/

منتدى كلية السياحة والفنادق

ياريت كلنا ندخل علية ونسجل فية لأننا ممكن بعد كدة منقدرش نتقابل مع بعض إلا من خلال المدونة والمنتدى والفيس بوك والشات ربنا يخلى لنا التكنولوجيا إللى بعدتنا عن بعض وقربتنا من بعض بردو
واخيرا شكر خاص ل تونى فارس على مجهودة الجامد جدا فى المنتدى
وشكلها كدة هتبقى الفرقة 20 إجرام
هههههههههههههههههه
ويارب تبقى 100 إجرام كمان ولا بيهمنا
كلنا مجرميين
سلاموز

(shahieno)

تونى فارس

أنا واللهى مذاكرتش ولا حاجة

مش عارف أنا اعمل إية الايام بتجرى كدة لية والواحد لا بية ولا علية
أنا واللهى مذاكرتش ولا حاجة
أنا عارف إن أنا غلطان طول السنة وأنا عطلان وأنا خلاص هيجيلى جنان
أنا واللهى مذاكرتش ولا حاجة
الإمتحانات على الأبواب وأنا لسة مفتحتش ولا كتاب
ولا حتى ملزمة ولا حاجة
فى مواد كتير قرفانى وأنا مش لاقى معاها طريقة
المنظمات مجننانى محسسانى بزهق وضيقة والشركات مدوخانى وعملالى فى دماغى حريقة
وأضح أوى أنها مواد بيئة
الإمتحانات على الأبواب وأنا لسة مفتحتش ولا كتاب
ولا حتى ملزمة ولا حاجة
فاضل شهر وأمتحن فى مواد معرفش حاجة فيها يمكن علشان مذكرتش حتى الكتب أنا راميها
أنا عارف أن أنا مقصر دة فى مواد مش عارف أساميها
أهى حاجة ربنا بلانى بيها
الإمتحانات على الأبواب وأنا لسة مفتحتش ولا كتاب
ولا حتى ملزمة ولا حاجة
Shahieno

الحلوين فى جامعة حلوان فى يوم حلو

طبعا يا شباب إحنا فى كلية سياحة وفنادق حلوان

وقد يتبادر للذهن أن كلية سياحة وفنادق حلوان تقع (على رأى ميرو) فى جامعة حلوان

وهذا خطأ شائع

وكل ما حد يسألنا عن الكلية بتاعتنا ونقولة أنها سياحة وفنادق حلوان

لازم توضحلة أنها تبع جامعة حلوان مش فى جامعة حلوان نفسها

أو تقولة أن دة فرع الجامعة فى جاردن ستى (على رأى فانتوم الزملكاوى)

وطبعا دة بيسبب لينا مشكلة كبيرة جدا

طبعا أنك تكون فى كلية زى كليتنا

دى حاجة كويسة جدا

وخصوصا ان الكلية بتاعتنا جميلة جدا

وموقعها ممتاز جدا جدا جدا

ولكنها فيها عيب واحد

وهو عيب خطير

أنها كلية

مش جامعة

طول عمر الواحد بيحلم أنة لما يخلص من هم الثانوية العامية أنة يدخل كلية كويسة فى جامعة كبيرة زى القاهرة أو عين شمس أو حلوان أسيوط حتى

والحمد لله تحقق لنا أن إحنا ندخل كلية كويسة جدا الحمد لله

لكن ناقصنا الجامعة

الجماعة أنك تلاقى ناس من كل الكليات متجمعين فى مكان واحد

طب على هندسة على حقوق على تجارة على أداب على تربية

هييييييييييييييييييييييصة

ودة طبعا كويس

جدا جدا جدا

تقابل ناس من تجارة تقعد مع بتوع حقوق تحضر مع بتوع ألسن تقف مع بتوع إعلام تخرج مع بتوع سياسة وأقتصاد

تعاكس بتوع الخدمة الأجتماعية

تطلع مظاهرات مع بتوع الاخوان

تعمل وقفات إحتجاجية

تعمل إضرابات

تلاقى كل يوم عربيات الأمن المركزى فى كل حتة

تصاحب بتوع أمن الدولة

وعيش يا معلم

لكن عندنا يا حسرة مفيش غير تلات أقسام

إدارة فنادق وهو القسم بتاع الشلة بتاعتنا

وقسم إرشاد

وقسم سياحة

يعنى من الاخر لو رحت الكلية خمس أيام ورا بعض

أضمنلك أنك ممكن تحفظ أشكال الطلبة

وخمس أيام كمان

ممكن تحقظ أسمائهم

هى ممكن تكون حاجة حلوة بس فى نفس الوقت بردو هى حاجة تخنق

(علشان كدة أنا مبروحش)

نجى بقى لموضوعنا

الشلة بتاعتنا قررت إنها تروح تعمل إختبار فى جامعة حلوان

الجامعة نفسها بقى

دخلنا

وأنبهارنا

عااااااااااااااااااالم تانى

جامعة جامعة بقى

مبانى ملهاش عدد

جناين تجنن

مساحات شاسعة

طلبة بالهبل

و... زى القمر

المهم إحنا شفنا الكلام دة بقينا نتحسر على سنين الكلية إلى ضيعنها فى كلية متر فى متر

بس الحمد لله ملحوقة

تقولولى أزاى أقولكم

كل واحد خد الكاميرا وهاتك يا تصوير وجرى ولعب كورة بالبناطيل الجينز

وعيشنا بقى زى ميكون كان عندنا عقدة

وإن شاء الله نروح تانى قريب

علشان نحس إحساس الجامعة من تانى

والأن أترككم مع الصور

إللى هى بردو حصريا وإكسكلوسف

عيشوووووووووا

(شاهينو)

شاهينو وتوحة

ناصف فانتوم الزملكاوى الوحيد فى الشلة

إلى كلها أهلوية والحمد لله

ربنا يهديك يا فانتوم

من اليمين للشمال لو أنت قاعد قدام الكمبيوتر

ومن اليمين للشمال بردو لو أنت قاعد قدام اللاب توب

(مهى هى يا ظريف)

ناصف فانتوم الزملكاوى _توحة_أيمونة_ديعو_طة إبن شبرا البار

البرنس أيمونة

توحة باشا صاحبى الأنتيخ

زى مإتفقنا من اليمين للشمال ولا أقول تانى

شاهينو_ناصف فانتوم إلى لسة زملكاوى_توحة_أيمونة

ناصف فانتوم الزملكاوى(ربنا يهدية) _ عادل دووولة

التوئم

طة إبن شبرا الباررر_ ديعو إبن شبرا البار

مش قلتلكوا توئم

من اليميييين للشمال (لازم كل مرة اقول)

شاهينو_طه إبن شبرا البار_توحة_أيمونة_عادل دوولة_ديعو

توحة _ديعو

من الشمال لليمين

رخامة بقى

البوست بوستى وأنا حر فية

ديعو_ناصف فانتوم الزملكاوى_طة إبن شبرا البار_عادل دووولة_أيمونة_تووحة

وإلى هنا ينتهى تنتهى الصور وإلى لقاء أخر فى صور جديدة

أقعدوا بالعافية

أمممموااااااااااااة