الجدول بالتفصيل

أة وأة من ايام تمر مسرعة مش عارف الايام على إية متسربعة فالأيام تمر والأمتحانات على الأبواب وأنا لسة لا ذاكرت ولا حتى فتحت كتاب لكن ناوى أذاكر وأتعب كل فصل وكل جزء وكل باب وإن شاء الله مفيش حاجة هتتساب الأمتحانات هتبقى على مدى شهر وقبل كل مادة سبع أيام مفيش السنة دى عملى والنظرى هيبقى على خمس أيام اليوم الأول تشريعات فنادق مش فاهم فية حاجة والله أنا صادق وبعدية أمتحان إنجليزى ملوش ورق صدقنى يا عزيزى واليوم التانى إمتحان منظمات وبعدية أمتحان فرنساوى نفعتنى بإية الأفلام والمسلسلات والقاعدة بالسعات على القهاوى ضيعت أيام من غير فايدة ولا لازمة دة اليوم التالت علينا تسويق وبعدية ألات حاسبة واليوم الرابع خبتى في السبت والحد والتلات لأنى مش مذاكر لا إشراف ولا تجهيزات واليوم الخامس والأخير هنمتحن فية تاريخ ودة أخريوم لينا كان مالى أنا بنفراركارع وخنتاكاوس والحج مينا شوفتوا الجدول سهل إزاى هنخلص فى تمنتاشر ستة على الله بعد المرمطة دى أتخرج يا معلم أنا وأنت ونهنى ونبارك ونسلم ونبوس خلاص ياشباب خدنا البكالريوس والواحد لو عاز يقدر يجيب أمتياز بس بردة حد يطول أنة يجيب مقبول

------------------
خبر عاجل

------------------

فجاة وبدون أى مقدمات نزل جدول الإمتحانات نزل على رؤؤسنا كالصاعقة وهذا ما كنا نخشاة وما لم يكن فى الحسبان ماذا سنفعل الان الله أعلم أستر يارب دة مش جدول إمتحانات دة جدول الضرب
طبعا بالنسبة للشلة بتاعتنا متفرقش معاها أول يوم إية وتانى يوم إية والكلام دة واللهى لو عملوا كل المواد فى يوم واحد ولا ماهتفرق بس دة ميمنعشى بردو إن إحنا نقول رأينا فى ترتيب الجدول يعنى نوع من الجدال مش اكتر وطبعا انا مش هخبى عليكم أد إية انا تعبت وأنا بكتب أسامى المواد فى الجدول لأن معظمها مجهول بالنسبالى وبالنسبالكم بردو ولا إية فية حد بيذاكر من ورايا ولا إية المهم دة الجدول وبدأ العد التنازلى للامتحانات والعد التنازلى للتخرج والعد التنازلى للحياة العملية ربنا معانا شارك بصوتك شارك برأيك المدونة مدونتك
وإليكم الجدول بالتفصيل

(shahieno)