مش عارف أنا اعمل إية الايام بتجرى كدة لية والواحد لا بية ولا علية
أنا واللهى مذاكرتش ولا حاجة
أنا عارف إن أنا غلطان طول السنة وأنا عطلان وأنا خلاص هيجيلى جنان
أنا واللهى مذاكرتش ولا حاجة
الإمتحانات على الأبواب وأنا لسة مفتحتش ولا كتاب
ولا حتى ملزمة ولا حاجة
فى مواد كتير قرفانى وأنا مش لاقى معاها طريقة
المنظمات مجننانى محسسانى بزهق وضيقة والشركات مدوخانى وعملالى فى دماغى حريقة
وأضح أوى أنها مواد بيئة
الإمتحانات على الأبواب وأنا لسة مفتحتش ولا كتاب
ولا حتى ملزمة ولا حاجة
فاضل شهر وأمتحن فى مواد معرفش حاجة فيها يمكن علشان مذكرتش حتى الكتب أنا راميها
أنا عارف أن أنا مقصر دة فى مواد مش عارف أساميها
أهى حاجة ربنا بلانى بيها
الإمتحانات على الأبواب وأنا لسة مفتحتش ولا كتاب
ولا حتى ملزمة ولا حاجة
Shahieno
هناك 4 تعليقات:
مين سمعك يا حاج انا والله معرفش ايتها حاجه فى المواد ديه كلها وياااااااااارب يستر .... وبعدين ايه الصوره الجامده ديه انت كنت معتكف فى الكله ولا ايه وفر الدقن والشعر لايام المذاكره ههههههههههه
حبيبى يا عمرى أنا كلى جراح لو كنت حبيبك سيبنى أرتاح
تووحة باشا نورت المدونة يا عم الحج
كلنا فى الهوا سوا يا عزيزى
وبالنوسبة للصورة معلش بقى الدقن دى يعنى قال الواد بي>اكر ومقطع نفسة
يعنى أهو الواحد يعمل أى حاجة توحى للناس انة مركز
سلااااموز
ههههههههههههه
انا فرحانة فيكم فرحة ام احمد يوم فرح بنتها مسعدة
ههههههههههههههههههه
وقال بتبلى الشربات ليه يا أم احمد قالت والله ما أنا عارفة
شاطر يا شادى ركز انت بس فى تأليف وتلحين الأغانى كده عن الامتحانات وسيبك من الإمتحانات نفسها
وبكرة نتفرج عليكم .. كلها شهر يا جميل
ههههههههههههههههه
وايه الصورة الرائعة المتألقة دى يا شادى.. يعنى هتتصور وتنشر الصور على خلق الله.. كنت أعمل حركة جدعنة كده وإحلق يعنى
يالا مش مهم كله يهون علشان خاطر الامتحانات
ربنا معااااااااااكم
هههههههههه هتشرب الشربات على فشلنا الذريع والفظيع فى الكليه والمشروع ,
وسمعونا احلى سلام لطلبه فرقه 19 اجرام واللى هيشربوا الشربات مع ام احمد علشان فرح بنتها مسعده
هههههههههه قال مسعده قال ديه هتبقى محزنه مش مسعده,
تيك كير ياريداله من الامتحانات ومن المشروع وسى يوو سوووووون
وماشى يا ميوشه فرحانه فينا عموما كل واحد ليه زنقه وبكره نفكرك ونشرب شربات الحاج ميووش هههههههههههه
إرسال تعليق